Almatyda saýda úıiniń birinen órt shyqty

ALMATY. QazAqparat – Almatyda «Aqsaı» saýda úıinen órt shyqty. Bul týraly qalalyq tótenshe jaǵdaılar departamenti málim etti, dep habarlaıdy QazAqparat tilshisi.

Vedomstva málimetinshe, órt búgin túski 13:45-te shyqqan. Saýda úıiniń órtenip jatqany týraly habarlamany ala salysymen arnaıy jasaq oqıǵa ornyna barǵan.

«Órt sóndirý bólimsheleri joǵary dárejedegi shaqyrtý boıynsha shyqty, 6 mınýtta jetkende «Aqsaı» saýda úıiniń 1-shi jáne 2-shi qabattaryndaǵy býtıkterde 150 sharshy metr aýmaqta órt shyqqanyn anyqtady. Dereý ámbebap jáne lafettik órt oqpandary engizilip, gaz-tútinnen qorǵaý qyzmetiniń 3 toby jáne tútin shyǵaratyn avtokólik jumyldyryldy. AD 120 tútin shyǵaratyn janý ónimderiniń kontsentratsııasyn azaıtý úshin paıdalanyldy», - dep habarlady departamentten.

Órt 14:12-de tolyq sóndirildi.

Zardap shekkender men qaıtys bolǵandar joq.