Almatyda saýda úıinen adamdar evakýatsııalandy
ALMATY. QazAqparat – Almaty qalasynda «Adem» saýda úıine jarylǵysh zat qoıylǵany týraly habarlamadan keıin ǵımarattan adamdar shuǵyl evakýatsııalandy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, búgin tańǵy saǵat 09:59 shamasynda jedel basqarý ortalyǵyna «Adem» saýda úıine jarylǵysh zat qoıylǵany týraly habarlama túsken.
«Qalanyń jedel jáne tótenshe jaǵdaılar qyzmetteri alǵashqy den qoıý sharalary aıasynda ǵımaratta tekserý júrgizdi. Kelýshiler men saýda úıiniń qyzmetkerleri evakýatsııalandy», - dep habarlady Almaty qalalyq Polıtsııa departamentiniń resmı ókili Saltanat Ázirbek.
Belgili bolǵanyndaı, ǵımaratty tekserý kezinde jarylys qurylǵylary tabylǵan joq.
«Qazir polıtsııa jarylǵysh zat qoıylǵany týraly jalǵan habar taratqan adamdy anyqtap jatyr. Ol qylmystyq jaýapqa tartylady», - dedi Saltanat Ázirbek.
