Almatyda saýda, oıyn-saýyq ortalyqtarynyń jumysyna shekteý qoıyldy
ALMATY. QazAqparat – Almatyda karantınge baılanysty azyq-túlik emes saýda bazarlarynyń, iri saýda jáne oıyn-saýyq ortalyqtarynyń, iri saýda úıleriniń jumysy toqtatyldy, dep habarlaıdy QazAqparat tilshisi.
Ákimdiktiń baspasóz qyzmeti taratqan aqparatqa sáıkes, sondaı-aq saýda ortalyqtarynyń aýmaqtary men jeke ornalasqan kınoteatrlar, balalarǵa arnalǵan ortalyqtar, adam kóp shoǵyrlanatyn ózge de oıyn-saýyq nysandary jabyldy.
Al olardyń aýmaǵyndaǵy azyq-túlik pen dári-dármek satatyn dúkender jumysyn jalǵastyryp jatyr.
Qala ákimdigi kásipkerlik nysandardyń zańsyz qyzmeti týraly faktiler anyqtalǵan jaǵdaıda tómendegi nómirlerge habarlasýdy suraıdy:
+7 775 882 55 39
+7 775 882 55 46
+7 775 882 56 02
+7 775 882 56 49
+7 775 882 56 72
+7 775 882 57 08
+7 775 882 54 16
+7 775 882 53 12
+7 775 882 52 00
+7 775 882 53 92
Aıta ketý kerek, karantın jarııalanǵan kúnnen bastap Almatyda 14 tulǵa jaýapkershilikke tartylǵan.
Onyń ishinde «Voshod» saýda úıiniń basshysy 5 táýlik qamaýǵa alyndy.
