Almatyda saýda oıyn-saýyq ortalyqtaryna senbi jumys isteýge ruqsat berildi
ALMATY. QazAqparat – Almatyda saýda oıyn-saýyq ortalyqtaryna senbi kúni jumys isteýge ruqsat berildi. Bul týraly qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy, qalanyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.
«Biz bul máseleni tııanaqty qarastyrdyq. Sebebi, bul adam densaýlyǵyna tikeleı baılanysty. Biz ómir men bıznestiń arasyndaǵy teńdikti ustaýǵa tyrysyp jatyrmyz. Óıtkeni, bul vırýs kelesi jyly da bolady. Eger biz qaýipsizdiktiń barlyq talaptaryn saqtaıtyn bolsaq, epıdahýal turaqty bolady. Biz alda bıznes jumysyn toqtatpas úshin karantın talaptaryn saqtaýymyz kerek. Epıdemıologııalyq taldaýdyń nátıjesinde saýda oıyn-saýyq ortalyqtarynyń algorıtmmen jumysyna ruqsat berdik», - dedi Jandarbek Bekshın.
Munyń aldynda bas sanıtarlyq dáriger kınoteatrlardyń jumys isteýine ruqsat beriletinin aıtqan bolatyn. Sonymen qatar, qalada vırýs juqtyrý kórsetkishi artyp keledi.
