Almatyda saýda, oıyn-saýyq ortalyqtary jeksenbide jumys isteıtin boldy
ALMATY. QazAqparat - Almatyda saýda, oıyn-saýyq ortalyqtary jeksenbi kúnderi de jumys isteıtin boldy. Bul týraly qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.
«Qazir QR bas sanıtarlyq dárigeriniń qaýlysymen saýda, oıyn-saýyq ortalyqtarynyń jumysy reglamenttelmeıdi. Eger buǵan deıin olar senbi, jeksenbi kúnderi jumys istemese, endi olarǵa jumys isteýge ruqsat berildi. Biraq saýda ortalyqtarynyń jumysy 1 saǵatqa qysqardy», - dep habarlaıdy QazAqparat tilshisi.
Buǵan deıin Jandarbek Bekshın jańa qaýlyǵa qol qoıǵan bolatyn. Qujatqa sáıkes endi saýda, oıyn-saýyq ortalyqtary kelýshiler sany 30%-dan aspasa, 1 kelýshige 4 sharshy metr aýmaq qarastyrylǵan jaǵdaıda túngi 22:00-ge deıin ashyq bolady.
Osy ortalyqtarda jekelegen alańdarda ornalasqan qoǵamdyq tamaqtaný oryndary da sol ýaqytqa deıin ashyq bolady.
