Almatyda saýda, oıyn-saýyq ortalyqtary qaýipsizdik boıynsha esep berýde
ALMATY. QazAqparat - Almatyda saýda, oıyn-saýyq ortalyqtary qaýipsizdik boıynsha esep berýdi jalǵastyryp jatyr. Búgin jýrnalıster men qoǵam belsendileri Dostyk Plaza ortalyǵynda boldy, dep habarlaıdy QazAqparat tilshisi.
Dostyk Plaza ortalyǵyna aıyna 100-120 myń kólik pen 700 myń - 1 mln arasynda adam keledi.
Ǵımarat halyqaralyq standarttarǵa saı salynǵan. Nysandy qabyldaý jáni paıdalanýǵa berý aktisinde ákimdik pen TJD ókilderiniń qoly men móri bar.
Ǵımarat dırektorynyń aıtýynsha, nysan órt qaýipsizdigi boıynsha qalalyq Tótenshe jaǵdaılar departamentiniń sarapshy uıymdarynyń keshendi tekserýinen ótken. Sondyqtan dabyl, habarlandyrý, sý shashý jáne tútin shyǵarý júıesi aqaýsyz jumys isteıdi.
«Bizdiń nysan alyp ǵımarat bolǵandyqtan qaýipsizdik sharalary basty nazarda. Qonaqtarymyzdyń qaýipsizdigin saqtaý úshin kún saıyn qurlyǵylardy tekserip otyramyz. Barlyq jerge beınebaqylaý ornatylǵan. Búginge deıin olardan aqaý bilinip, jumysy buzylǵan jaǵdaıdy baıqamadyq. Kınoteatrdaǵa on zalda 1 600 oryn bar. Olardyń barlyǵynda apattyq esikter jumys istep tur», - dedi OSO bas dırektory Nurlan Júnisov.
Onyń aıtýynsha, ǵımaratta 50-den astam syrtqa shyǵatyn esik bar. 504 órtke qarsy qalqan, 200 sharshy metr sý sııatyn rezervýar bar. Ár 20 metr saıyn evakýatsııalyq jol kórsetetin belgi ornalastyrylǵan.
Aıta ketý kerek, Reseıdiń Kemerovo qalasynda «Zımnıaıa vıshnıa» ortalyǵynda bolǵan alapat órt 64 adamnyń ómirin qıǵan bolatyn.
Qaıǵyly jaǵdaıdan soń Almaty ákimdigi qaladaǵy barlyq qoǵamdyq oryndarda órt qaýipsizdigin tekserýdi qolǵa aldy.
