Almatyda saýda oryndaryn retteý jumystary jalǵasýda
ALMATY. 20 shilde. QazAqparat /Ádilet Musahaev/ - Almatyda buryn bazar ornalasqan aýmaqtardy sáýlettendirý jumystary jalǵasýda. Іri jáne usaq saýda oryndary bolǵan jerlerde saıabaqtar men kólik qoıatyn avtoturaqtary bar zamanaýı saýda ortalyqtary ashylady.
Sonymen, qaladaǵy 46 bazar ornyna jer asty avtoturǵy bar biregeı saýda oryndary boı kóteredi. Qazirgi ýaqytta bul saýda ortalyqtarynyń ıelerimen túrli joba usynystary qarastyrylýda. Olar sanıtarlyq tazalyq pen órtke qarsy qaýipsizdik talaptardy saqtap, jurtshylyqqa qyzmet kórsetýde barlyq jaǵdaıdy jaqsartyp, kólik erkin kirý jaǵy men aımaqty abattandyrý jaǵyn qolǵa alýlary kerek.
Birneshe saýda ortalyqtarynyń joba-syzbalary jasalyp ta úlgergen. Ásirese qalanyń bas jobasyna sáıkes «Kók bazar» ákimshiligine 200 kólik sııatyn kóp qabatty avtoturaq qurlysyn salý tapsyryldy.
Sondaı-aq taǵy eki bazar ornyna saıabaq nemese demalys oryndary ashylady. Qalada sonymen qatar jer asty avtoturaǵy bar saýda úıin salýǵa múmkindigi joq 30-dan asa bazardy kóshirý jumystary jalǵasýda.
