Almatyda saýda ortalyqtary mereke kúnderi qalaı jumys isteıdi
ALMATY. QazAqparat – Qalalyq sanıtarlyq- epıdemıologııalyq baqylaý departamenti 16-19 jeltoqsan aralyǵynda qaladaǵy oıyn saýyq ortalyqtary men qoǵamdyq kólik qalaı jumys isteıtinin aıtty, dep habarlaıdy QazAqparat tilshisi.
Bul nysandardyń jumysy qalalnyń bas sanıtarlyq dárigeri Jandarbek Bekshınniń 9 qarashada shyqqan №64 qaýlysymen retteletin boldy.
Saýda aıyn saýyq ortalyqtary keshki 22:00-ge deıin jumys isteıdi.
Sonymen qatar, azyq túlik satatyn jabyq bazarlar men dúkenderdiń jumysyna keshki 17:00-ge deıin ruqsat beriledi. Tek mindetti túrde ǵımarat ishinde 4 sharshy metrge bir adam, ıaǵnı adam syıymdylyǵy 30 paıyzdan aspaýy kerek. Almaty ákimdiginde mereke kúnderi qoǵamdyq kólikterdiń jumysy ózgerissiz bolady. Avtobýstar men metroda maskalyq rejım qatań saqtalady.
Qoǵamdyq densaýlyq basqarmasynda jedel járdem qyzmeti, emhanalar men statsıonarlar mereke jáne demalys kúnderi Qazaqstan zańnamasyna sáıkes jumys isteıtin bolady. Halyqqa qajetti medıtsınalyq kómek tolyq kórsetiletin bolady.
Qazaqstanda mereke kúnderi osyndaı nysandardyń jumysy epıdemıologııalyq ahýalǵa baılanysty rettelmek.
Buǵan deıin Nur-Sultan qalasynda saýda oıyn-saýyq ortalyqtary jeksenbi kúni jumys istemeıtinin, basqa kúnderi keshki saǵat 18:00 deıin jumys isteıtinin jazǵan bolatynbyz.
