Almatyda saýda ortalyǵynyń janynan er adamnyń máıiti tabyldy
ALMATY. QazAqparat – Almatydaǵy «Aport» saýda, oıyn-saýyq ortalyǵynyń mańynan er adamnyń máıiti tabyldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, bul fakti QR Qylmystyq kodeksiniń 99-baby, 1-bóligi (kisi óltirý) boıynsha sotqa deıingi tergeýdiń biryńǵaı tizilimine tirkeldi.
Tergeý amaldaryn Naýryzbaı aýdandyq polıtsııa basqarmasy júrgizip jatyr.
«Qaıtys bolǵan er adamnyń kim ekeni belgili boldy. Ol 49 jastaǵy Almaty oblysynyń turǵyny. Adam óliminiń sebebin anyqtaý úshin sot-medıtsınalyq saraptama taǵaıyndaldy. Sonymen qatar, kúdiktini anyqtaý boıynsha jedel sharalar kesheni qabyldandy», - dep habarlady polıtsııadan.
