Almatyda saýda ortalyǵynyń 3-qabatynan qulaǵan bala úıine shyǵarylǵaly jatyr
ALMATY. QazAqparat - Almatydaǵy «Mart» oıyn-saýyq saýda ortalyǵynda 3-qabattan qulap ketken bala erteń úıine qaıtarylady, dep habarlaıdy QazAqparat tilshisi Almaty qalasy Balalarǵa jedel medıtsınalyq kómek kórsetý ortalyǵy bas dárigeri Abaı Qusaıynovtyń sózine silteme jasaı otyryp.
Abaı Qusaıynovtyń aıtýynsha, Nurǵısanyń jaǵdaıy jaqsy, erteń, 3 qarasha kúni úıine qaıtarylady.
«Balanyń jaǵdaıy jaqsy. Esin jıǵan. Tamaq iship, sóılep jatyr. Ortańǵy jiligine jasalǵan otadan keıin ázirge gıpspen qaıtarylady. Qazir óz aıaǵymen júre almaıdy. Shamamen 40 kúnnen keıin qaıtadan kelip, rentgennen ótkizilip, san súıigindegi temir alynady. Óz aıaǵymen júrgennen keıin, 5-6 aı dárigerlerdiń baqylaýynda bolady. Іshki qurylysy da jazyldy», - dedi Abaı Qusaıynov.
Eske sala keteıik, 20 qazan kúni Almaty dárigerleri Nurǵısaǵa ekinshi ota jasaǵan. Onda ortańǵy jiligindegi synyqty salǵan bolatyn. Oǵan deıin, 12 qazan kúni aýrýhanaǵa alǵash jetkizilgende birinshi ota basyna jasalǵan. Onda balanyń mıyna qan quıylǵan degen dıagnoz qoıylǵan bolatyn.
Aıta keteıik, 12 qazan kúni 2 jasar bala «Mart» oıyn-saýyq saýda ortalyǵynyń 3-qabatynan qulap ketken bolatyn. Dárigerler balaǵa ashyq bas mı jaraqaty, ortańǵy jilik synyǵy, keýde, ish perdesiniń soǵylýy sekildi dıagnoz qoıǵan bolatyn. Oqıǵa Túrkisib aýdandyq ІІB-de qaıǵyly jaǵdaı retinde tirkeýge alynǵan.
