Almatyda saýda ortalyǵyndaǵy adamdar evakýatsııalandy

ALMATY. QazAqparat – Almatyda «Forum» saýda-oıyn-saýyq ortalyǵynyń qyzmetkerleri men kelýshileri jarylǵysh zat qoıylǵany týraly habarǵa baılanysty evakýatsııalandy, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, jarylǵysh qurylǵy qoıylǵany týraly habarlarǵa alǵashqy den qoıý sharalary sheńberinde qazir tótenshe jáne jedel qyzmetteri Bostandyq aýdanyndaǵy «Forum» saýda ortalyǵynda tekseris júrgizip jatyr.
«Ortalyqqa kelýshiler men qyzmetkerler evakýatsııalanyp jatyr. Sonymen qatar, saperlik bólimsheler qosylyp, ǵımaratqa komıssııalyq tekserý júrgiziledi. Almaty qalasynyń turǵyndary men qonaqtaryn qabyldanyp jatqan qaýipsizdik sharalaryna túsinistikpen qaraýdy suraımyz», - dep habarlady vedomstvodan.