Almatyda saýda ortalyǵynda balalar avtobýsty aıdap ketip, shyny vıtrınany shaqqan
ALMATY. QazAqparat - Almatyda balalar avtobýsy MEGA saýda oıyn-saýyq ortalyǵyndaǵy shyny vıtrınany shaqty, dep habarlaıdy QazAqparat tilshisi.
Bolǵan oqıǵanyń vıdeosy jelide jarııalandy.
«MEGA» SOSO baspasóz qyzmetiniń málimetinshe, oqıǵa 22 naýryzda keshki ýaqytta bolǵan. Tehnıkalyq úzilis kezinde, ıaǵnı, attraktsıon jabyq bolǵan kezde kámeletke tolmaǵan balalar avtobýstyń róline otyryp, vıtrınany shaqqan.«Zardap shekkender bolǵan joq. Qazirgi tańda rólge bógde adamdardyń otyrýyna kedergi keltiretin qosymsha sharalar engizilgenge deıin avtobýstyń jumysy toqtatyldy», - dep habarlady MEGA-nyń baspasóz qyzmetinde.
