Almatyda saýda ortalyǵynan jumysshylardyń 20 mln teńge jalaqy bereshegi óndirildi
ALMATY. QazAqparat - Almatyda iri saýda ortalyǵy qyzmetkerlerine 3 aı boıy jalaqy tólemegen. Jumysshylar sotqa shaǵymdanyp, jeńip shyqty, dep habarlaıdy QazAqparat tilshisi.
Qalalyq sottyń baspasóz qyzmeti habarlaǵandaı, mekemeniń 92 jumysshysynyń aryzyn № 2 Almaly aýdandyq soty qarady.
«Іs materıaldaryna sáıkes, 3 aı ishinde jumysshylarǵa jalaqy aýdarylǵan. Biraq olar jalaqy almaı kelgen. Sot jumysshylardyń aryzyn tolyq qanaǵattandyryp, jumys berýshiden 19 276 634 teńge óndirý týraly sheshim shyǵardy», - dedi baspasóz qyzmetinen.
Sot sheshimi zańdy kúshine engen joq. Alaıda 20 mln teńge tolyq kólemde qaıtaryldy.
