Almatyda saýda ortalyǵyna jarylǵysh zat qoıyldy degen aqparat tarady
ALMATY. QazAqparat - Almatydaǵy iri saýda ortalyqtarynyń birinen adamdar evakýatsııalandy. Qalanyń tótenshe jáne jedel qyzmetteri jarylǵysh zat týraly habarǵa baılanysty tekserý jumystaryn júrgizip jatyr, dep habarlaıdy QazAqparat tilshisi.
«Forum» saýda-oıyn-saýyq ortalyǵyna jarylǵysh zat qoıylǵany týraly habar Almaty qalalyq polıtsııa departamentine túsken.
«Qazirgi ýaqytta qalanyń tótenshe jaǵdaılar qyzmeti evakýatsııalaý jáne tekserý sharalaryn uıymdastyrdy. Saperler jumyldyrylady. Saýda ortalyǵynyń kelýshileri men qyzmetkerleri qaýipsiz jerge evakýatsııalandy», - dep habarlady vedomstvonyń baspasóz qyzmeti.
Eske salaıyq, naýryz aıynyń aıaǵynda Almatyda birneshe nysanǵa bomba qoıylǵany týraly aqparat taraǵan edi. Keıin Nur-Sultan men Almatyda ornalasqan birqatar ǵımaratqa jarylǵysh zat qoıyldy dep jalǵan habar taratqan adam ustaldy.
