Almatyda saýda ortalyǵy órtendi
ALMATY. QazAqparat – Almatydaǵy saýda ortalyqtarynyń birinen órt shyqty, dep habarlaıdy QazAqparat.
Almaty qalalyq Tótenshe jaǵdaılar departamenti ókilderiniń habarlaýynsha, órt tańǵy saǵat 8:56-dy shyqqan.
«Órt sóndirýshiler «Domıllıon» saýda úıiniń órtenip jatqany týraly habardy ala salysymen oqıǵa ornyna jetti. Olar kelgende, ıaǵnı saǵat 09:30-da ǵımarat qoıý tútinge oranǵan edi. Tekserý barysynda gaz, tútinnen qorǵaý qyzmeti qoımanyń janǵanyn anyqtady. Ol jerge bıik satylar qoıylyp, jedel shtab quryldy. Saǵat 09:46-da 40 metr alqaptaǵy órt sóndirildi. Saýda ortalyǵynda órt sóndirýshi jáne tútinnen tazartatyn júıe iske qosylyp, órttiń keń jaıylýyn tejedi»,-dedi vedomstvo ókilderi.
Órt bolǵan jerge 24 tehnıka, jeke quramnan jáne qalanyń ózara is-qımyl qyzmetinen 79 adam jumyldyryldy.
