Almatyda saýda nysandary qaıta ashylýda

ALMATY. QazAqparat - Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtaby Almatyda jumysyn qaıta bastaǵan saýda nysandarynyń tizimin jarııalady, dep habarlaıdy QazAqparat tilshisi.

Shtabtyń málimetine sáıkes, 11.01.2022 jaǵdaı boıynsha qalada 149 iri jáne orta sýpermarketterdiń 117 (78,5%) jumys isteıdi. Qazirgi ýaqytta «Magným», «Small», «Toımart» azyq-túlik jelileriniń saýda obektileri ashyldy.

31 obekt zardap shekti (Magným - 19, Toımart - 11, Interfýd - 1).

19 qańtardan bastap «Esentai Gourmet» sýpermarketi jumysyn qaıta bastaıdy.

Anyqtama úshin: «Magným»– 68 (49 fılıal jumys isteıdi, 19-y zardap shekti), «Small»– 28 (barlyǵy jumys isteıdi), «Toımart» – 23 (12-si jumys isteıdi, 11-i zardap shekti), «Bekker ı K» - 14 (barlyǵy jumys isteıdi), «Interfýd» – 6 (5-ýi jumys isteıdi, 1-eýi zardap shekti), «Galmart» – 3 (barlyǵy jumys isteıdi), «A-stor» - 2 (ekeýi de jumys isteıdi); «ıÝbıleınyı», «Stolıchnyı» - 2 (ekeýi de jumys isteıdi); «Metro» - 1 (jumys isteıdi); «Sarefood» - 1 (jumys isteıdi), «Esentai Gourmet» - 1 (19 qańtardan bastap ashýdy josparlap otyr).

Almatyda barlyǵy 52 saýda bazary bar. Aǵymdaǵy jyldyń 10 qańtaryndaǵy jaǵdaı boıynsha 10 bazar ashyldy (Taýsamaly, Barys-4, Arystan, Almaty-1, Aınabulaq, Qarasý, Juldyz, Túrksib, Tastaq, Orbıta). Qalǵan azyq-túlik jáne azyq-túliktik emes bazarlar búgin jumysyn bastaıdy. Zardap shekken nysandar anyqtalǵan joq.

Qala boıynsha 220 AJQS bar, 10 qańtardaǵy jaǵdaı boıynsha 121 (55%) AJQS ashyldy. PD-men birlesip obektilerdiń qaýipsizdigi qamtamasyz etiledi. Aǵymdaǵy jyldyń 13 qańtarynan bastap qosymsha 33 jelilik emes jeke AJQS (15%) jáne 5 jelilik AJQS (2%) ashý josparlanýda. TJ kezinde 61 nysan (28%) zardap shekti, onyń 1-ýi (Alataý aýdany, Rysqulov aýdany-Shkolnaıa aýdany) tolyǵymen janyp ketti, 15-i qatty zardap shekti, 45-i ishinara zardap shekti.

Almaty qalasynda 92 iri saýda obektisi bar (SOSO, SO, SÚ). 11 qańtardan bastap 6 SOSO (Globýs, Spýtnık, Dostyq plaza, Rıtts palas, Alma-Ata, Grand park) jáne 63 so jáne t.b. iske qosylýǵa daıyn. 2021 jylǵy 12 qańtardan bastap taǵy 6 SOO (Mega park, Atakent moll, Mart, Sılkýeı sıtı, Forým, Alataý) ashylýǵa daıyn. 14 nysan qaıta jańartylýǵa jatady (Máskeý, MBO, Azııa park, Almaly, Maksım jáne shaǵyn saýda ortalyqtary, saýda ortalyqtary). «Esentaı moll» jáne «Mega Alma-Ata», Rozybakıeva), «Mega Park» (Seıfýllın) qaladaǵy jaǵdaıdyń turaqtanýyn kútýde, sodan keıin kelýshiler úshin ashyq bolady.

Qazirgi ýaqytta Almaty qalasynda 3,1 myń qoǵamdyq tamaqtaný obektisi bar. Anyqtama: meıramhanalar - 699, kafeler – 1356, barlar – 567 jáne 478 – ashanalar men jyldam tamaqtaný oryndary. Búgingi kúni 312 (10%) qoǵamdyq tamaqtaný obektileri (iri jelilik Qaǵanat, Shafran, Tagam, Bazılık jáne Parmedjano Grýp sııaqty) jumys kestesi saǵat 09.00-den 18.00-ge deıin ashyldy. 2022 jylǵy 11 qańtardan bastap taǵy da 450 qoǵamdyq tamaqtaný obektisin (qalǵan jelilik jáne jeke dara) ashý josparlanýda. Qazirgi ýaqytta barlyǵy 15 qoǵamdyq tamaqtaný obektisi zardap shekti.