Almatyda Saýd Arabııasynyń reformator koroliniń jeke murajaıy ashyldy
ALMATY. QazAqparat - Almatydaǵy Qazaqstannyń memlekettik ortalyq mýzeıinde Saýd Arabııasynyń koroli Feısal ıbn Abdýll Ázız ál Saýdtyń jeke kollektsııasy negizindegi «Ál Feısal: kýáger jáne sheıit» atty kórme ashyldy, dep habarlaıdy QazAqparat tilshisi.
Aıta keteıik, Qazaqstan Respýblıkasy memlekettik ortalyq mýzeıi túrli elderdiń keshegi ári búgingi tynys-tirshiligimen tanystyrý maqsatynda is-sharalar men kórmelerdi udaıy ótkizip keledi.
Kórmede absolıýttik monarhııa basqarý júıesin ustanatyn Saýd Arabııasy tarıhynan syr shertetin kórmede Saýd Arabııasynyń úshinshi koroli Feısal ıbn Abdýl-Ázız ál Saýdtyń (1906-1975 jj.) tutynǵan jeke zattary men oǵan qatysty muraǵattyq qujattar qoıylǵan.
1964-1975 jj. bılik qurǵan Feısal ıbn Abdýl-Ázız ál Saýd «Saýdttar» áýletinen shyqqan.«Saýdttar» áýleti shamamen 1446 jyldan bastaý alady. Qazirgi tańda eldegi absolıýttik bılikke ıe jalǵyz otbasy.
Feısal ıbn Abdýl-Ázız ál Saýd óz elinde birqatar aýqymdy saıası jáne ekonomıkalyq reformalardy tabysty júzege asyryp, eldiń áleýetin arttyrýda úlken is tyndyrǵan basshy retinde sýrettelgen.
