Almatyda «Saryarqa» jáne «Momyshuly» metro beketteri qashan tolyq iske qosylady
ALMATY. QazAqparat- Almatylyqtar qalalyq ákimdikten «Momyshuly» metro beketiniń qashan ashylatynyn surap, vıdeo túsirdi, dep habarlaıdy QazAqparat tilshisi.
Vıdeo áleýmettik jelide jarııalandy.
Osyǵan oraı, QazAqparat tilshisi Almaty qalasy ákimdigine resmı saýal joldaǵan edi.
Ákimdiktiń habarlaýynsha, qazirgi ýaqytta merdiger uıym «Momyshuly» metro beketin iske qosý jumysyn júrgizip jatyr.
«Metro bekettiń kireberisin árleý materıaldary daıyn, árleý jumystary 15 sáýirge deıin aıaqtalady dep josparlandy. « Saryarqa» jáne «Momyshuly» metro beketteri mamyr aıynyń aıaǵyna deıin tolyǵymen iske qosylady»,- delinedi ákimdik jaýabynda.
Sondaı-aq, ákimdikten habarlaǵandaı, endi salynatyn «Qalqaman» jáne «Barlyq» bazarlarynyń mańyndaǵy metro beketterinde avtoturaq qarastyrylǵan.
«Degenmen, árbir metro beketinde avtoturaq salý múmkin emes. Al «Momyshuly» stantsııasy janynda shaǵyn turaq bar. Bolashaqta Abaı dańǵylynyń soltústigi men ıAssaýı kóshesiniń shyǵys jaǵy túıisken jerde turaq aýmaǵy jasalady»,- dep jaýap berdi qalalyq ákimdikten.
