Almatyda Saryarqa jáne Baýyrjan Momyshuly metro stansalary iske qosyldy
ALMATY. QazAqparat- Megapolıs ákimi Baqytjan Saǵyntaev metropolıtenniń jańa stantsııalarynyń daıyndyǵyn tekserip, olardyń tehnıkalyq iske qosylýyna qatysty, dep habarlaıdy QazAqparat tilshisi.
Jańa stansalar - Almaty metropolıteniniń ekinshi iske qosý kesheni. Onyń daıyndyǵy qazirgi kezde - 96 paıyz.
Jol Abaı dańǵylynyń astynda, Y. Altynsarın dańǵylynan ıAssaýı kóshesine deıingi batys baǵytta ornalasqan.
Aralyq tonnelderden jáne «Saryarqa» jáne «B. Momyshuly» eki stantsııadan turady. Jeli ýchaskesiniń uzyndyǵy – 3,8 shaqyrym.
«Saryarqa» stantsııasy «Femılı» parkiniń aýdanynda ornalasqan, tereń tóselgen, pılon tıpti, qozǵalysy shekteýli toptary úshin 2 lıfti, 8 ekskalatory bar eki kirý tobynan turady.
«B. Momyshuly» stantsııasy Abaı dańǵylynyń astynda, B. Momyshuly kóshesiniń batysynda ornalasqan. Shaǵyn qurylys stantsııasy, kolonna tıpti.
Ol eki jerasty lobbıinen jáne alty kirý tobynan turady. 6 lıft jáne 15 eskalator qarastyrylǵan.
Búginde negizgi qurylys-montajdaý jumystary aıaqtaldy jáne iske qosý-jóndeý jumystary bastaldy, sáýlet-árleý jumystary, ınjenerlik jeliler, avtomatıka júıeleri jáne paıdalaný jabdyǵyn montajdaý aıaqtalý satysynda.
Metropolıten jolaýshylaryna jaıly jáne qaýipsiz jaǵdaılar jasaý úshin qoldanystaǵy metropolıtenmen avtomat jabdyqtary men júıelerin biriktirýdi, sondaı-aq elektr jyljymaly qurammen joldar boıynsha domalatýdy qamtıtyn iske qosý-jóndeý jumystary qarastyrylǵan.
Bul stantsııalar qalanyń halyq tyǵyz ornalasqan aýdandarynda ornalasqan, paıdalanýǵa berý kezinde kútiletin jolaýshylar aǵyny kúnine 40 myń adamnan 86 myń adamǵa deıin artady, bul jalpy qalanyń kóshe-jol jelisi men kólik ınfraqurylymynyń júktemesin birneshe ese azaıtady.
Eske salsaq, buǵan deıin Táýelsizdiktiń 30 jyldyǵyna oraı, Tuńǵysh Prezıdent kúni men Almaty metropolıteniniń 10 jyldyǵyna oraı 8 jańa elektr jyljymaly quram paıdalanýǵa berilgen bolatyn.
Olardy ońtústik koreıalyq Hyundai Rotem kompanııasy Almaty metropolıteni úshin arnaıy óndirgen.
Búginde metropolıtende 15 poıyz jumys isteıdi.
