Almatyda «Sarbaz Race» ІІ Halyqaralyq áskerı oıyndary ótti

Ony QR QK Qurlyq áskerleri desanttyq-shabýyldaý brıgadasy, Qurlyq áskerleri áskerı ınstıtýty, áskerı-tehnıkalyq mektep jáne «Ekstremalnaıa Atletıka» qoǵamdyq birlestigimen yntymaqtastyqta Almaty qalalyq qorǵanys isteri departamenti uıymdastyrdy.

Jarystar eki kezeńde ótti. Onyń alǵashqysyna áskerı shaqyrýǵa deıingi jastar qatyssa, ekinshisinde 18 jasqa tolǵandar ózara kúsh synasty. Qatysýshylar 10 kılometrge júgirý, granat laqtyrý, pnevmatıkalyq vıntovkadan atý, sadaq atý, áskerı qural-saımanmen taý-tasta júrý sııaqty jattyǵýlar boıynsha jarysty.

Jeke kórsetkishter boıynsha uldar arasynda Qurlyq áskerleri Áskerı ınstıtýtynyń kýrsanttary - Berdııar Shoraev, Baǵdarbek Nurbek jáne Baýyrjan Tastemirovter aldyna jan salmady. Al qyzdar arasynda Aıaýlym Nurımanova úzdik boldy.

Ujymdar arasyndaǵy jarysta «Jas urpaq» komandasy 1-oryndy jeńip aldy, «Katıýsha» 2-shi boldy, úzdikter úshtigin «DShV» túıindedi.