Almatyda sarbaz áskerı bólimnen qashyp ketti
ALMATY. QazAqparat - Almatyda QR Ulttyq ulanynyń áskerı bóliminiń jaýyngeri áskerden qashyp ketti, dep habarlaıdy QazAqparat tilshisi.
QR Ulttyq ulanynyń baspasóz qyzmetiniń málimetinshe, sarbaz 6655 áskerı bóliminiń áskerı qyzmetshileriniń ruqsatysyz ketip qalǵan.
«9 tamyz kúni keshki saǵat 21.30 shamasynda 6654 áskerı bóliminen (Qarakemer) jaýynger Erdýlet Sabyrjanuly ruqsatsyz shyǵyp ketken. Aıta keteıik, qatardaǵy jaýynger 6655 áskerı bóliminen (Aqtóbe) oqýǵa kelgen. Ol 11 tamyz kúni túngi saǵat 02.35 -te «Altyn Orda» (Almaty) bazarynyń mańynda ustaldy»,- dep habarlady QR Ulttyq ulanynyń baspasóz qyzmeti.
Habarlamada atap ótilgendeı, sarbazdyń óz betinshe áskerı bólimnen ketip qalýy áskerı qyzmetpen baılanysty emes.
Qazirgi ýaqytta oqıǵanyń mán-jaıy anyqtalýda. Qyzmettik tergeý júrip jatyr.
