Almatyda sarapshylar Prezıdent saılaýy týraly boljamdarymen bólisti
Jıyn Almaty Menedjment ýnıversıteti men «Alternatıva» ózekti zertteý ortalyǵynyń uıymdastyrýymen ótti.
Almaty Menedjment ýnıversıtetiniń memlekettik jáne qoǵamdyq saıasat pen quqyq mektebiniń dekany Asqar Nurshanyń aıtýynsha, bul jıyndy uıymdastyrýdaǵy basty maqsat QR Prezıdentiniń saılaýy týraly aǵymdaǵy saılaý naýqanynyń ereksheligin jáne onyń partııalyq saıasatua áserin, eldegi qoǵamdyq saıası protsesterdi odan ári damytýǵa degen yqpalyn talqylaý.
«Saılaýdyń jalpy uıymdastyrylýy, kandıdattardyń usynylýy barlyq kezeńder QR Saılaý týraly zańnamasyna saı, Konstıtýtsııaǵa sáıkes ótip jatyr. Zańbuzýshylyqtar, qoǵamdyq pikir qalyptastyratyn olqylyqtar oryn alyp jatqan joq. Barlyǵy quqyqtyq sheńberde ótip jatyr. Kandıdattardyń bári qazaq tilinen múdirmeı ótip jatqany kóp nárseni kórsetedi. Olar ultjandy, qazaqı adam ekenin bildirse kerek. Endi saılaý qorytyndysy boıynsha paıyzdyq nátıje týraly dóp basyp aıtý qıyn. Kim ozyp ketetin boljaı almaısyz. Burynǵy saılaýlarda dodaǵa Elbasymyzdyń ózi túsetin. Onyń sózsiz el aldyndaǵy bedeli oq boıy ozyq turatyn. Bıylǵy saılaý jańa deńgeıde, jańa formatta ótip jatyr», - dedi saıasattaný ǵylymdarynyń doktory, Almaty Menedjment ýnıversıtetiniń memlekettik jáne qoǵamdyq saıasat pen quqyq mektebiniń kafedra dotsenti Seıilbek Musataev.
Jıyn barysynda basqa da sarapshylar óz pikirlerin aıtty.
