Almatyda sapa menedjerleriniń V «TQM KAZ-2010» halyqaralyq forýmy ótip jatyr
ALMATY. Maýsymnyń 23-i. QazAqparat /Erlik Erjanuly/ - Búgin Almatyda "Sapa - básekelestikke jetýdiń kepili" degen taqyrypta sapa menedjerleriniń V "TQM KAZ-2010" halyqaralyq forýmy bastaldy,
dep habarlaıdy QazAqparat.
Ony Qazaqstannyń Sapa menedjerleri men aýdıtorlarynyń halyqaralyq qaýymdastyǵy, "AFAQ AFNOR" normalar jónindegi qaýymdastyǵy (Frantsııa), "InterCert" sertıfıkattaý ortalyǵy men «Intersert Konsaltıng» kompanııalar toby birigip uıymdastyryp otyr. Úsh kúndik bul shara kezinde májilister, dóńgelek ústel otyrystary, semınarlar, sheberlik dáristeri ótip, "Sapa jónindegi úzdik menedjer -2010" baıqaýynyń qorytyndysy jarııalanady.
«Qazaqstanda sapa menedjmenti júıesi satylap engizilýde. Qazirgi tańda ony engizgen kásiporyndar sany 2,5 myńǵa jýyqtap qaldy. Olardyń ishinde sońǵy 2 jyldyń ishinde Almaty qalasy úzdik shyǵyp tur. Sapa menedjmenti júıesin engizgen kásiporyndar onda 325-ten 528-ge deıin ulǵaıdy. Olardyń basym bóligi qurylys salasynda jumys jasaıdy», deıdi QazInST» RMK-nyń Ońtústik fılıalynyń dırektory Galına Kazantseva. Onyń aıtýynsha, bul forýmǵa memlekettik uıymdardyń jetekshileri, sapa qyzmetteri, kásipkerler jáne AQSh, Nıderlandy, Ózbekstan, Reseı, Úndistan jáne Chehııa sııaqty alys-jaqyn shet elderdiń sapa menedjmenti salasyndaǵy jetekshi mamandary qatysýda.
