Almatyda Sanjar Asfendııarovtyń 120 jyldyǵyna arnalǵan konferentsııa ótedi
ALMATY. Qarashanyń 16-sy. QazAqparat /Erlik Erjanuly/ - Qarashanyń 17-si kúni Almatyda «Kórnekti memleket jáne qoǵam qaıratkeri, Abaı atyndaǵy QazUPÝ-diń tuńǵysh rektory» dep atalatyn konferentsııa ótedi,
dep habarlaıdy QazAqparat.
Bul sharany uıymdastyrǵan Qazaqtyń Abaı atyndaǵy ulttyq pedagogıkalyq ýnıversıtetiniń Ahmet Baıtursynov atyndaǵy Alash zııalylarynyń ǵylymı-pedagıkalyq murasyn zertteý ortalyǵy. Ol Sanjar Jafaruly Asfendııarovtyń 120 jyldyǵyna arnalyp otyr.
Áıgili memleket jáne qoǵam qaıratkeri, kórnekti ǵalym, talantty uıymdastyrýshy Sanjar Jafaruly 1989 jyly ómirge kelip, 1938 jyly halyq jaýy retinde ólim jazasyna kesilgen edi. KSRO Joǵarǵy sotynyń sheshimimen 1958 jyly mamyrdyń 27-de bul aıyptaýdan tolyq aqtaldy. Sankt-Peterbor áskerı-medıtsına akademııasynyń túlegi eńbek jolyn Birinshi dúnıejúzilik soǵysta maıdanda áskerı dáriger bop bastady. Arab, aǵylshyn, frantsýz, orys tilderin erkin meńgergen ol qazaq tarıhyna qatysty áralýan aqparat kózderine taldaý jasady. Sondaı-aq Qazaq pedagogıka ınstıtýtynyń ǵana emes, búginde óz esimimen atalatyn Qazaqtyń ulttyq medıtsına ýnıversıtetiniń de alǵashqy rektory boldy.
