12:15, 22 Qyrkúıek 2020 | GMT +5
Almatyda sanıtarlyq talapty buzǵan kásipkerlerdiń sany 62 paıyzǵa artty
ALMATY. QazAqparat – Almatyda bir aıda sanıtarlyq talaptardy buzǵany úshin jaýapqa tartylǵan kásipkerlik nysandardyń sany 62%-ǵa artqan, dep habarlaıdy QazAqparat tilshisi.
Qalalyq kásipkerler palatasynyń basshysy Narıman Ábilshaıyqovtyń aıtýynsha, olardyń barlyǵy QR ÁqbK 425-babymen jaýapkershilikke tartylǵan.
«Qazir kásipkerlerdiń sanıtarlyq talaptardy qatań saqtaýyn QR Bas prokýratýrasy bekitken algorıtmge sáıkes qalalyq sanıtarlyq-epıdemıologııalyq qyzmet ókilderi kiretin monıtorıng toptary baqylaıdy. Eger kásipkerlerdiń jumysyna zańsyz aralasý derekteri bolsa, «Atameken» kásipkerler palatasyna - 1432 nómirine nemese Almaty prokýratýrasyna - +7701 775 55 00 nómirine habarlasýǵa bolady», - deıdi ol.