Almatyda sanaq qyzmetkerlerin qabyldaýǵa baıqaý jarııalandy
Eske salaıyq, Qazaqstanda 2021 jyldyń 1 qyrkúıeginen 30 qazan aralyǵynda kezekti ulttyq halyq sanaǵy ótedi. Soǵan baılanysty QR Strategııalyq josparlaý jáne reformalar agenttigi Ulttyq statıstıka bıýrosynyń Almaty qalasy boıynsha departamenti óteýli qyzmet kórsetý sharty boıynsha sanaq personalyn irikteý týraly konkýrs jarııalaıdy.
Óteýli qyzmet kórsetý sharty boıynsha 1 kezeńniń sanaq personalyn irikteý týraly konkýrs jarııalanady.
Kezekti halyq sanaǵyn júrgizýge 48 nusqaýshy-baqylaýshy men 618 tirkeýshiler qajet.
Nusqaýshylar 2021 jylǵy mamyr-shilde aralyǵynda eńbek etse, tirkeýshiler 2021 jylǵy 01 maýsymnan bastap 30 maýsymǵa deıin jumys isteıdi.
Osy ýaqyt aralyǵyna olardyń laýazymdyq jalaqysy sáıkesinshe 125 000 - 83 000 myń teńge bolady.
Qyzmetke úmitkerdiń kásiptik bilim deńgeıine qoıylatyn talaptar: joǵary, tehnıkalyq jáne kásiptik, orta bilimnen keıingi, jalpy orta bilim.
Jumys ótili boıynsha talaptardy qoıylmaıdy.
Jeke quzyretterine qoıylatyn talaptar: taldamalyq paıymdaý, yqpal etý, komandada jumys isteý, qarym-qatynas qurý, aýyzsha jáne jazbasha kommýnıkatsııa, jaýapkershilik, ádeptilik normalaryn ustaný, ádistemeni ıgerý, normatıvtilik, nátıjege baǵdarlaný kiredi.
Anyqtama alý úshin Qazaqstan Respýblıkasynyń Strategııalyq josparlaý jáne reformalar agenttigi Ulttyq statıstıka bıýrosynyń Almaty qalasy boıynsha departamentine júginý kerek, mekenjaı – Abaı dańǵyly, 125, 050008, telefon – 8 (727) 330-89-16, 8 (727) 375-21-88, elektrondy poshta – almatystat@mail.ru .
