Almatyda sán ındýstrııasy týraly semınar ótip jatyr

ALMATY. 29 jeltoqsan. QazAqparat /Erlik Erjanuly/ - Búgin Almatyda Qazaqstannyń jeńil ónerkásip salasyndaǵy birqatar kásiporyndar Indýstrııa jáne jańa tehnologııalar mınıstrliginiń Qurmet gramotasymen marapattaldy.

Bul shara "Sán ındýstrııasyn damytý" dep atalatyn semınar aıasynda júzege asty.

"Qyrkúıek aıynda Máskeýde federaldyq kórme ótken bolatyn. Oǵan "KAZNEX INVEST» eksport jáne ınvestıtsııalar ulttyq agenttigi» AQ-nyń qoldaýymen qazaqstandyq 6 kompanııa qatysqan edi. Onyń úsheýi sán baıqaýyna qatysyp qazylar tarapynan joǵary baǵaǵa ıe boldy. Atap aıtqanda qazaqstandyqtar úzdik balalar kıimi kollektsııasy úshin Bas júldeni jeńip aldy", - deıdi QR Jeńil ónerkásip kásiporyndary qaýymdastyǵynyń prezıdenti Lıýbov Hýdova. Halyqaralyq sán baıqaýynyń beınejazbasyn semınarǵa qatysýshylarǵa tartý etken L. Hýdovanyń aıtýynsha, bul Qazaqstandaǵy sán ındýstrııasynyń damýyna jańa serpin bermek.