Almatyda samokat júrgizip kele jatqan adamdy kólik qaqty
ALMATY. QazAqparat – Almatyda elektrondy samokatshyny kólik qaǵyp ketti, dep habarlaıdy QazAqparat tilshisi.
Oqıǵa búgin Almaly aýdanynda Seıfýllın – Shevchenko kósheleriniń qıylysynda boldy. Bul týraly Instagram-daǵy Kris.p.almaty paraqshasynda habarlandy.
Almaty qalalyq Polıtsııa departamenti habarlaǵandaı, qazirgi ýaqytta oqıǵany tergeýge Almaly aýdandyq polıtsııa basqarmasy ákimshilik tájirıbe jasaǵynyń qyzmetkerleri kirisken.
«Samokatty basqaryp kele jatqan er adam medıtsınalyq mekemege jetkizildi. Oǵan alǵashqy medıtsınalyq kómek kórsetildi. Jol-kólik oqıǵasynyń mán-jaıyn polıtseıler anyqtap jatyr. Mindetti túrde sot-medıtsına saraptamasy taǵaıyndalady. Alynǵan dene jaraqatynyń aýyrlyǵy anyqtalady», - dep habarlady Almaty polıtsııa departamentinde.
