Almatyda samokat mingen qyzdy kólik qaǵyp ketti
ALMATY. QazAqparat – Almatyda samokat teýip kele jatqan toǵyz jastaǵy qyzdy kólik qaǵyp ketti, dep habarlaıdy QazAqparat tilshisi.
Apat 26 naýryzda Buqar jyraý kóshesiniń boıynda bolǵan. Kishkentaı qyz qatty soqqydan asfaltqa qulaǵan.
Almaty qalalyq densaýlyq saqtaý basqarmasynyń habarlaýynsha, 2009 jyly týǵan qyz bala shuǵyl medıtsınalyq kómek ortalyǵyna jetkizildi, jaǵdaıy aýyr.
«Naýqasty tolyq tekserýden ótkizgen dárigerler oǵan ashyq bas-mı jaraqaty, mıdyń shaıqalýy, isiný, І dárejeli travmatıkalyq shok dıagnozyn qoıdy. Qazirgi ýaqytta balanyń jaǵdaıy óte aýyr. Ony jasandy tynys alý apparatyna qosty»,– dep habarlaıdy Almaty qalalyq densaýlyq saqtaý basqarmasy.
