Almatyda «Samǵaý» múmkindigi shekteýli jandarǵa arnalǵan alǵashqy qoǵamdyq syılyqtyń laýreattary marapattaldy
ALMATY. 4 jeltoqsan. QazAqparat /Ádilet Musahaev/ - Keshe Almatyda «Samǵaý» múmkindigi shekteýli jandarǵa arnalǵan alǵashqy qoǵamdyq syılyqtyń laýreattaryn marapattaý rásimi ótti.
«Samǵaý» - qoǵamnyń mádenı ómirine qatysyp, alǵa maqsatqa jetý jolynda aıanbaı eńbek etip, Qazaqstan Respýblıkasynda mádenıet, sport, bilim jáne qoǵamdyq qyzmette jetistikke jetken múmkindigi shekteýli jandarǵa arnalǵan syılyq.
«Samǵaý» qoǵamdyq syılyǵy «Baýyrjan» qoǵamdyq qaıyrymdylyq qory jáne «Meıirim» jeke qorynyń bastamasymen jáne «QazRosGaz» kompanııasynyń qoldaýymen múmkindigi shekteýli jandarǵa arnalǵan osy jyldyń mańyzdy jobasy bolyp tanylyp otyr.
Ótinishter qabyldaý ýaqytynda uıymdastyrýshylar 200-den asa saýalnamamen tanysqan. Múgedekter arasynan saıys jeńimpazdaryn anyqtaý úshin arnaıy qoǵamdyq keńes qurylyp, olardyń quramyna kıno, estrada, saıasat, ǵylym, bilim, ÚEU, bıznestiń tanymal ókilderi engen.
Sonymen bıylǵy «Samǵaý» qoǵamdyq syılyǵynyń laýreattary túrli atalymdar boıynsha marapattalady. «Bilim salasyndaǵy jetistigi úshin» Zınaıda Mıhaılıýkova, «Sport salasyndaǵy jetistigi úshin» Maksım Rojkov, «Qoǵamdyq qyzmettegi belsendiligi úshin» Rýslan Tólegenov, «Ádebıet salasyndaǵy jetistigi úshin» Baıbolat Áýbákirov, «Mádenıet salasyndaǵy jetistigi úshin» (sýret salý óneri) Anar Abjanova, «Mádenıet salasyndaǵy jetistigi úshin» (óleń aıtý óneri) Aıtjamal Alpysova, «Mádenıet salasyndaǵy jetistigi úshin» (horeografııa) Amangeldi Qapanov, «Balalar shyǵarmashylyǵy» atalymy boıynsha «Sát» Trıosy marapattaldy.
Jalpy syılyqtyń júlde qory - 2 500 000 teńge.
