Almatyda «Samal» yqshamaýdanyn abattandyrý barysynda 3 shaqyrymdyq velojol salynady
ALMATY. QazAqparat - Almatyda jazdyń sońyna deıin «Samal» yqshamaýdanyn abattandyrý jumystary aıaqtalady. Bul týraly arnaıy baspasóz týry barysynda Medeý aýdany ákiminiń orynbasary Talǵat Ábdiqalyqov málim ett.
«Qazir qala ákiminiń tapsyrmasy boıynsha danııalyq sáýletker ıAn Geıldiń tujyrymdamasy aıasynda aýdandy abattandyrý jumystary júrip jatyr. Joba boıynsha «Samal» yqshamaýdanyn aınaldyra velosıped joly salynady. Ol Dostyq dańǵyly, Sátbaev, Fýrmanov jáne Joldasbekov kósheleri arqyly júredi. Jalpy uzyndyǵy 3 myń metr bolady», - dedi T. Ábdiqalyqov
Onyń aıtýynsha, sonymen qatar eki balalar oınaıtyn keshen men kishigirim sport alańqaıyn salý jáne alty myń sharshy metr jerdi kógaldandyrý josparlanǵan. Budan basqa gúlzarlar jasalyp, aǵashtar otyrǵyzylady. Qorshaý jasalady.
«Qazirgi tańda jol jıekterin, ıaǵnı bordıýrlerdi, kóshe shamdaryn aýystyrý jumystary jalǵasyp jatyr. Sondaı-aq, turǵyn úılerdiń syrty boıalady. Jumystardy osy jazdyń sońyna deıin aıaqtaýdy josparlap otyrmyz. Bul sharalarǵa barlyǵy 90 mln. teńge jumsaldy», - dedi aýdan ákiminiń orynbasary.
