Almatyda «Samal» bazary órtenip jatyr
ALMATY. QazAqparat - 4 jeltoqsan kúni Almatydaǵy bazarlardyń birinde saýda dúńgirshekteri órtendi, dep habarlaıdy QazAqparat tótenshe jaǵdaılar komıtetiniń baspasóz qyzmetine silteme jasap.
«4 jeltoqsan, kúndizgi saǵat 13:03-te Almaty qalalyq 101 dıspetcherlik qyzmetine Jetisý aýdany, Soltústik sheńberde ornalasqan «Samal» bazaryndaǵy «Sabyrjan» spýremarketine japsarlas salynǵan saýda oryndarynyń órtenip jatqany týraly habar kelip tústi. Órt sóndirýshiler 13:16-da oqıǵa ornyna kelip jetti. Olar qazir jalyndy sóndirip jatyr», - delingen TJK taratqan habarlamada.
Qosymsha aqparat keıinirek habarlanady.
Aıta ketý kerek, búgin túnde Almaty oblysyndaǵy «Aşybulaq» qurylys bazarynda 43 konteıner janyp ketken bolatyn.
