Almatyda salynyp jatqan turǵyn úı kesheni órtendi
ALMATY. QazAqparat – Almatyda qurylysy júrip jatqan turǵyn úı keshenderiniń birinde órt shyqty, dep habarlaıdy QazAqparat tilshisi.
Órttiń vıdeosy áleýmettik jelide tarady. «Almatyda «Abaı-Masanshy» kósheleriniń qıylysynda salynyp jatqan «Miracle» turǵyn úı kesheni órtenip jatyr», - delingen jazbada.
Qalalyq tótenshe jaǵdaılar departamentiniń málimetinshe, órt sóndirýshiler atalǵan mekenjaıda jumys istep jatyr.
«Órt 15:13 aýyzdyqtaldy. Aldyn ala málimet boıynsha qyzyl jalyn 30 sharshy metr jerdi sharpyǵan», - dep habarlady qalalyq Tótenshe jaǵdaılar departamentinen.
Vıdeodan alynǵan kadr
