Almatyda salynyp jatqan kópqabatty úıden órt shyqty
ALMATY. QazAqparat - Almatynyń Jetisý aýdanynda salynyp jatqan kópqabatty úıden órt shyqty, dep habarlaıdy QazAqparat tilshisi.
Órttiń vıdeosy áleýmettik jelide tarady.
Qalalyq Tótenshe jaǵdaılar departamentiniń málimetinshe, 18 maýsym kúni tańǵy saǵat 10:22–de órt sóndirý kólikteri Jetisý aýdanyndaǵy «Dragon Sıtı» turǵyn úı keshenine jiberildi.
«Soltústik aınalma jol №29 mekenjaıyndaǵy «Dragon Sıtı» turǵyn úı kesheninde salyp jatqan 9 qabatty úıdiń 1 qabatynda órt shyqty. Qyzyl jalyn 8 sharshy metr aýmaqty sharpyǵan. Belgili bolǵanyndaı plastıkalyq qubyrlar janǵan. Órt sóndirýshiler kelgenge deıin órt sóndipilgen»,- dep habarlady Almaty qalalyq Tótenshe jaǵdaılar departamentiniń baspasóz qyzmeti.
