Almatyda salynyp jatqan ǵımarat órtendi
ALMATY. QazAqparat – Almatyda jańadan salynyp jatqan qurylys nysany órtendi, dep habarlaıdy QazAqparat tilshisi.
Almaty qalasy TJD-niń málimetinshe, 3 maýsym kúni saǵat 13:55– te «101» pýltine Medeý aýdanyndaǵy Saǵadat Nurmaǵambetov kóshesi, 150 mekenjaıynda órt shyqqany týraly habarlama tústi.
« Órt sóndirý brıgadasy shuǵyl túrde atalǵan mekenjaıǵa jiberildi. Jalyn salynyp jatqan ǵımarattan shyqqan. Shuǵyl júrgizilgen sharalardyń arqasynda qyzyl jalyn saǵat 14:14 - de aýyzdyqtaldy. Órt aýmaǵynyń kólemi anyqtalýda», dep habarlady TJD baspasóz qyzmeti.
Órtti sóndirýge barlyǵy 17 jeke quram múshesi men 4 tehnıka jumyldyrylǵan. Jalyn tolyǵymen óshirildi. Ǵımarattyń shatyrynda sondaı-aq gaz ballony jarylǵany anyqtaldy.
Buǵan deıin Almatydaǵy Almaly aýdany Nazarbaev kóshesi 43/1 mekenjaıyndaǵy dámhanadan órt shyqqandyǵy habarlanǵan bolatyn.
Tilisiz jaýdy aýyyzdyqtaýǵa 20 órt sóndirýshi, 5 tehnıka jáne gaz-tútinnen qorǵaý qyzmetiniń 2 quramy jumyldyryldy.
