Almatyda salynyp jatqan ákimshilik ortalyq sot sheshimimen buzylady
Almaty qalasy qurylysty baqylaý basqarmasynyń málimetinshe, nysan joba eskızinsiz salynǵan, sonymen qatar bekitilgen bas jospardan aýytqýlar tirkelgen. Menshik ıesi arasyndaǵy sot protsesi eki jyldan astam ýaqyt boıy jalǵasyp keledi.
«2020 jyldyń 6 naýryzynda talap aryz Bostandyq aýdandyq sotyna jiberildi. Sot uıǵarymymen talap aryz qanaǵattandyrylyp, Almaty qalalyq sotynyń 2020 jylǵy 16 qazandaǵy uıǵarymymen birinshi satydaǵy sot sheshimi ózgerissiz qaldyryldy. 2021 jyldyń 13 mamyrynda memlekettik sot oryndaýshysy menshik ıesine sot sheshimin erikti túrde oryndaý týraly habarlama jiberdi. Alaıda, bul ýaqytqa deıin menshik ıesi jer telimin basqa jeke tulǵaǵa satyp jibergen, osyǵan baılanysty sot oryndaýshysy qaýlyny oryndaýsyz qaıtarǵan»,- dep habarlady basqarmadan.
Óz kezeginde, Qala qurylysyn baqylaý basqarmasy jer telimin satý shartyn jaramsyz dep taný týraly talap aryzǵa bastamashy boldy. 2022 jylydyń 27 qańtarynda sot sheshimimen mámile jaramsyz dep tanyldy. Sondaı- aq Almaty qalalyq sotynyń 2022 jylǵy 27 sáýirdegi qaýlysymen sheshim ózgerissiz qaldyryldy.
«Atqarý paraǵy Almaty qalasy Ádilet departamentine 2022 jyldyń 5 mamyrynda joldanǵan. Nysandy buzý sol jyldyń tamyz aıyna josparlanǵan bolatyn. Alaıda, sot oryndaýshysynyń áreketine shaǵymdanýyn eskere otyryp, buzý jumystary júrgizilmegen. Odan ári jańadan ashylǵan mán-jaılarǵa baılanysty úshinshi tulǵa Almaty qalalyq sotyna buzý týraly sheshimge apellıatsııalyq shaǵym túsirdi. Almaty qalalyq sotynyń sheshimimen apellıatsııalyq shaǵym qanaǵattandyrýsyz qaldyryldy», - delingen baqsqarma taratqan aqparatta.
Búgingi kúni oryndaý Almaty qalasy Ádilet departamentiniń óndirisinde, sot oryndaýshysymen nysandy buzý merzimi áli belgilengen joq.
Foto: Almaty qalasy ákimdiginiń baspasóz qyzmeti
