Almatyda salynatyn Dinmuhamed Qonaev murajaıynyń orny belgili boldy
ALMATY. Aqpannyń 24-i. QazAqparat /Erlik Erjanuly/ - Almatyda Ál-Farabı men Dostyq dańǵyldary qıylysynda bıyl Dinmuhamed Ahmetuly Qonaevtyń jańa murajaıynyń qurylysy bastalady.
Bul búgin D.Qonaev murajaı-úıinde ótken "D.A.Qonaev jáne onyń dáýiri" dep atalatyn dóńgelek ústel jıynynda aıtyldy, dep habarlaıdy QazAqparat.
"Ótken aptada Astanada Mádenıet jáne aqparat mınıstri Muhtar Qul- Muhammed Halyqaralyq Dinmuhamed Qonaev qorynyń jetekshisi Eldar Qonaevpen kezdesý ótkizdi. Onda kórnekti memleket jáne qoǵam qaıratkeriniń 100 jyldyǵyn ótkizý máselesi jan-jaqty talqylandy. D.Qonaevtyń 100 jyldyǵyna arnalǵan sharalar 3 jyldyq bıýdjetke engizildi. Sondaı-aq qoǵamda kópten beri sóz bolyp júrgen Almatyda D.A.Qonaev murajaıyn salý máselesi sheshildi. Qazir onyń jobasy daıyn", deıdi D. Qonaev murajaı-úıiniń dırektory Bolysbek Battalhanov. Onyń aıtýynsha, jańa keshende 90 oryndyq májilis zaly men 1 myń sharshy metrlik arnaıy qoıma men murajaı aldynda úlken eskertkish turǵyzý da qarastyrylǵan. Ol ashylǵan kezde D.Qonaev murajaıy men Halyqaralyq D. Qonaev qory bir jerge ornalaspaq. Bolysbek Zamanbekulynyń sózine qaraǵanda, 2012 jyl atap ótiletin Dinmuhamed Ahmetulynyń 100 jyldyq mereıtoıy qarsańynda Taraz qalasynda da jańa murajaı salynyp, Shymkent qalasyndaǵy murajaıdyń ǵımaraty keńeıtilmek.
