Almatyda salyqshy aıaǵy aýyr áıeldi 4 jasar qyzymen birge qaǵyp ketti
ASTANA. QazAqparat - Qymbat kólik taqymdaǵan memlekettik qyzmetker tól merekesi qarsańynda adam qaqty, dep habarlaıdy KTK telearnasy.
Almaty oblysy Uıǵyr aýdandyq salyq basqarmasynyń basshysy meıramdy erte bastap ketse kerek, aşy sýdan urttap kólik tizginine otyrǵan.
Jyldamdyq súıgish salyqshy ońtústik astananyń kóshesimen júıtkip kele jatyp, joldan ótip bara jatqan 4 jasar qyz ben onyń aıaǵy aýyr anasyn qaǵyp ketti. Aýyr jaralanǵan júkti ana men búldirshin qazir aýrýhanada jatyr. Al oqıǵa ornynan boı tasalamaq bolǵan Baqyt Qurmashevti kýágerler ustap alyp, tártip saqshylaryn shaqyrtqan. Polıtseıler kele salysymen, salyq basqarmasynyń basshysy, qyzmettik kýáligin kórsetip, jaýapkershilikten sytylyp ketýge áreket etipti. Onyń ústine Qurmashevtiń aýyzynan araq ıisi múńkip turǵan deıdi kýágerler.
