Almatyda Salyq tóleýshilerdiń jańǵyrtylǵan ortalyǵy ashyldy
ALMATY. QazAqparat - Almaty ákimi Baýyrjan Baıbek jumys sapary barysynda Memlekettik kirister departamentiniń Jetisý aýdandyq Salyq tóleýshilerdiń jańǵyrtylǵan ortalyǵyn aralap kórdi, dep habarlaıdy QazAqparat tilshisi.
Departament basshysy Asqar Tynysbekov qazirgi kezde 4 aýdanda jańarǵan jumys formaty boıynsha qyzmet kórsetilip jatqanyn aıtty.
Jańǵyrtylǵan ortalyqta salyq tóleýshiler ózderine sáıkes qyzmet paketterin paıdalana alady.
«ıAǵnı kásibı býhgalterlerge, isin jańa bastaǵan kásipkerlerge, múmkindigi shekteýli jandarǵa jáne basqa kategorııadaǵylarǵa túrli operatorlar qyzmet kórsetedi. Balalarymen kelgender balalar alańynda «Balapan» paketin paıdalana alady. Salyq tóleýshilerdiń ózderine ózderi qyzmet kórsetýleri úshin termınaldary bar aımaqtar jumys isteıdi», - dep habarlady Asqar Tynysbekov.
Buryn Almatyda ákimdiktiń «Open Almaty» qoǵamdyq qabyldaýy ashylǵan bolatyn, munda HQKO qamtymaǵan qyzmetter «bir tereze» qaǵıdasy boıynsha kórsetilýde.
Bul joba «Aqyldy qalalar» evropalyq forýmynyń jáne TMD elderiniń «Ómir súrýge bolatyn qala» konkýrsynyń marapattaryna ıe bolǵan edi.
Kóp uzamaı qalalyq prokýratýra Almaty ákimdiginiń qoldaýymen basqarýdyń zamanaýı tehnologııalaryn qoldana otyryp, quqyq qorǵaý qyzmetiniń Ortalyǵyn ashqan bolatyn.
