Almatyda salyq tóleýden jaltarǵan qymbat úıdiń ıelerine 1 apta ýaqyt berildi
Aýdandyq basqarma qymbat páterlerin jalǵa beretin tulǵalardy salyqtyq jaýapkershilikke tartyp jatyr.
Tek qana «Renessans» turǵyn úıi kesheninde 12 páterdi qojaıyndary zańsyz jalǵa berip otyrǵan. Jaldap turatyndardyń kópshiligi shetel azamaty bolyp shyqty.
Bul turǵyn úıdegi bir bólmeli páterdi bir aıǵa jalǵa berý quny - 150 myń teńge, 2 bólmeli - 200-250 myń teńge, 3 bólmeli páterdi jaldaý quny - 350-550 myń teńge, 4 bólmeli páterdi jaldaýǵa 550-800 tóleýge týra keledi.
Páterdi bir táýlikke jaldaý 15-30 myń teńgege baǵalanady. Al túsken tabystan 1 paıyzy ǵana salyq retinde tólenýi kerek.
Atalǵan páterlerdiń qojaıyndary jeke kásipkerlik ashpaǵan. Páterden túsetin tabys kóp bolsa da, salyq tólemeıdi. Salyq organy páter ıelerine zańbuzýshylyqty joıýǵa bir apta ýaqyt berdi.
«Bul tulǵalar salyq organdarynda jeke kásipker retinde esepke alynýy tıis. Olar óz esepterinde shynaıy tabys kólemin kórsetýi kerek. Ol úshin jergilikti HQKO baryp, qujat ótkizý kerek. Olaı bolmaǵan jaǵdaıda mindetti tólemder aıyppul arqyly óndiriledi. Búginde bul páter ıeleri páterlerin ınternet arqyly jalǵa berip otyrǵandyqtan, olardy tabý túk qıyndyq týǵyzbaıdy. Sonymen qatar PIK pen kóshi-qon qyzmetiniń aqparattary tekseriletin bolady. 1 aqpannan bastap jergilikti polıtsııa qyzmetimen birige otyryp ýaqytsha tirkeý jasalǵan páterler tekseriletin bolady», - dedi baspasóz qyzmetinen.