Almatyda salyq tólemegenderge aıyppul salynady degen aqparat jalǵan - MKD
«Messendjerlerde taralyp jatqan aqparatta salyq tólemegen tulǵalarǵa aıyppul salynatyny habarlanǵan. Bul aqparat shyndyqqa janaspaıdy. Múlik, jer, kólik salyǵyn ýaqytynda tólemegen tulǵalar QR ÁqbK kórsetilgen normalarǵa sáıkes ákimshilik jaýapkershilikke tartylmaıdy. Salyqty ýaqytynda tólemegen tulǵalar tek ósimin tóleıtin bolady. Sonymen qatar, 2018 jylǵy jeke tulǵalardyń múlik pen jer salyǵy 2019 jyldyń 1 qazanyna deıin tólenetinin eskertemiz. Bıyl 2017 jyldyń salyǵy tólenýi shart»,- dedi qalalyq Memlekettik kirister departamentinen.
Quzyrly organnyń habarlaýynsha, salyq tólemegen azamattarǵa mynadaı shara qoldanylady. QR Salyq kodeksiniń 24-babyna sáıkes 2018 jyldyń 1 shildesinen bastap barlyq bankter boryshker adamdarǵa shot ashpaıdy. Sondaı-aq, eger qaryz kólemi 1 AEK asqan jaǵdaıda 30 jumys kúni ishinde tólenbese, salyq organy buıryq shyǵaryp, sotqa aryz túsire alady.
QR «Sot oryndaýshylarynyń atqarý óndirisi men sot oryndaýshylarynyń mártebesi týraly» Zańynyń 33-babyna sáıkes 48 100 teńgeden astam boryshy bar jeke tulǵalarǵa shetelge shyǵýǵa tyıym salynady.
Boryshkerler tizimi QR Ádilet mınıstrliginiń saıtynda jarııalanǵan.
Al jeke tulǵalar qaryzy bar-joǵyn www.kgd.gov.kz ınternet resýrsynan JSN terý arqyly teksere alady.
