Almatyda salyq qyzmetterin HQO-da kórsetý boıynsha pılottyq joba iske qosyldy
Almaty qalasy boıynsha memlekettik kirister departamentiniń baspasóz qyzmeti habarlaǵandaı, halyq pen bızneske yńǵaıly bolý úshin memlekettik qyzmet kórsetýdiń servıstik tásilin engizý jáne damytý sheńberinde, sondaı-aq, «halyq únine qulaq asatyn memleket» tujyrymdamasyn oryndaı otyryp, Bostandyq aýdanynyń salyq tóleýshileri úshin HQKO – da salyq qyzmetterin kórsetý aıasynda pılottyq joba engizildi.
«Pılottyq jobanyń ıdeıasy barynsha suranysqa ıe memlekettik qyzmetterdi kórsetý, eldegi memlekettik qyzmetterdiń biryńǵaı provaıderi memlekettik korporatsııa retinde «bir tereze» qaǵıdaty boıynsha ótinishterdi qabyldaý jáne óńdeý bolyp tabylady. Joba 10 sáýirde «Azamattarǵa arnalǵan úkimet»memlekettik korporatsııasy«kommertsııalyq emes aktsıonerlik qoǵamynyń Almaty qalasy boıynsha fılıaly Bostandyq aýdanynyń Halyqqa qyzmet kórsetý ortalyǵynda Almagúl, 9A adresi boıynsha bastaldy», - dep habarlady vedomstvoda.
Memlekettik qyzmetterdiń tómendegideı túrleri boıynsha qujattardy qabyldaý júzege asyrylady:
1) jeke praktıkamen aınalysatyn tulǵalardy tirkeý esebi;
2) salyq tóleýshilerdi tirkeý (memlekettik qyzmet rezıdent emes zańdy tulǵalarǵa kórsetiledi);
3) qosylǵan qun salyǵyn tóleýshilerdi tirkeý esebi;
4) baqylaý-kassa mashınalaryn esepke qoıý jáne esepten shyǵarý;
5) salyq eseptiligin usynýdy toqtata turý (uzartý, qaıta bastaý) ;
6) salyq eseptiligin qabyldaý (salyq organynyń sheshimi boıynsha QQS boıynsha tirkeý esebinen alynǵan 300.00 SEN, taratý eseptiliginen basqa);
7) salyq eseptiligin keri qaıtaryp alý;
8) Qazaqstan Respýblıkasyndaǵy kózderden alynǵan kiristerdiń jáne ustalǵan (tólengen) salyqtardyń somalary týraly anyqtama berý;
9) salyqtardy, bıýdjetke tólenetin tólemderdi, ósimpuldardy, aıyppuldardy esepke jatqyzýdy jáne qaıtarýdy júrgizý;
10) bıýdjetten qosylǵan qun salyǵyn qaıtarý;
11) salyqtardy jáne (nemese) tólemaqylardy tóleý jónindegi salyq mindettemesin oryndaý merzimderin ózgertý;
12) Eýrazııalyq ekonomıkalyq odaqta taýarlardyń eksporty (ımporty) kezinde salyq nysandaryn qabyldaý.
