Almatyda salmaǵy 6 keliden asatyn alyp bala dúnıege keldi
Náreste №5 qalalyq perzenthanasynda ómirge keldi. Salmaǵy 6 kg 300 gramm náresteni dárigerler kesar tiligin jasap aldy.
«Júkti áıel perzenthanaǵa tolǵatyp tústi, qabyldaý kezinde ýltradybystyq zertteý balanyń salmaǵy 4 kg 800 gramm ekenin kórsetti. bul ýltradybystyq zertteý kezinde balanyń salmaǵy bastyń bıparıetaldy ólshemine jáne quıryq-parıetaldi ólshemine baılanysty esepteledi»,- dedi Jańa týǵan náreste bólimshesiniń meńgerýshisi Sáýle Kenenbaeva.
Aıtýynsha, operatsııa sátti ótti.
«Salmaǵy 6300 gramm bolatyn sábı - bizdiń perzenthanada dúnıege kelgen eń alyp bala. Bosaný operatsııalyq ádispen júzege asyryldy. Operatsııa sátti ótti. Bári jaqsy aıaqtaldy. Ana men onyń uly saý. Bul otbasyndaǵy úshinshi bala», - dep túsindirdi dáriger.
Maman atap ótkendeı, tórt keliden asatyn balalar úlken bolyp sanalady, al 5 kg asatyn náreste alyp dep atalady.
«Qazir anasy men balasy perzenthananyń medıtsına qyzmetkerleriniń táýlik boıy baqylaýynda jáne jaqyn arada perzenthanadan shyǵýǵa daıyndalyp jatyr», - dedi dáriger.
