Almatyda salmaǵy 5 keliden astam qyz bala dúnıege keldi
ALMATY. QazAqparat – Almaty qalasynda salmaǵy 5 keliden astam qyz bala dúnıege keldi, dep habarlaıdy QazAqparat tilshisi.
Almatynyń №2 perzenthanasynda 32 jastaǵy áıel júktiliktiń 39 aptasynda patologııa bólimine túsip, salmaǵy 5 328 gramm, boıy 60 sm sábıdi dúnıege ákeldi.
«Mundaı jaǵdaılar óte sırek kezdesedi. Áıel esh qıyndyqsyz bosandy. Qazir anasy men náresteniń jaǵdaıy jaqsy. Úsh kún perzenthanada jatyp, úıine shyǵaryldy», - deıdi bas dárigerdiń orynbasary mindetin atqarýshy Gúlnár Kýrenova.
Bir qyzyǵy, anasy bolashaq balasynyń salmaǵyn bilmegen, ýltradybystyq zertteýde salmaǵy 3500-3800 gramm dep kórsetken eken.
«Qyzym aýyr salmaqpen týatynyn bilmedim. №2 perzenthananyń bas dárigerinen bastap, meıirbıkege deıin, barsha ujymǵa sheksiz alǵysymdy bildiremin. Munda kásibı mamandar jumys isteıdi. Taza bólme, dámdi tamaq. Jaýapty jáne qurmetti komanda. Barshańyzǵa zor densaýlyq, tabys tileımin», - dedi jańa bosanǵan ana.
№2 perzenthanada salmaǵy bes keliden asatyn náresteniń dúnıege kelýi bıyl osymen ekinshi jaǵdaı. Bıyl mamyrda salmaǵy 6 020 gramm qyz bala dúnıege kelgen bolatyn.
