Almatyda salmaǵy 5 keliden asatyn alyp bala dúnıege keldi
Náreste №4 qalalyq perzenthanasynda ómirge keldi. Salmaǵy 5 kg 100 gramm náresteni dárigerler kesar tiligi arqyly bosandyryp alýy kerek edi.
«Áıeldiń qaǵanaq sýy kóp boldy, mundaı jaǵdaıda ózi bosanǵanda ana men bala úshin belgili bir qaýip bolady. Qaǵanaq sýynyń kóptigi kezinde asqyný bolsa, kindik túsýi múmkin. Al bul óz kezeginde shuǵyl túrde kesar tiligi arqyly bosandyrýǵa ákeledi. Ýltradybystyq zertteý kezinde ishtegi náresteniń salmaǵy 4600-4800 bolady dep boljanǵan. Kenet tolǵaq qysyp, qarashanyń birinde tańǵy saǵat 5:30-da tabıǵı jolmen dúnıege qyz bala keldi», - deıdi Almaty №4 perzenthanasynyń akýsher-gınekology Aınur Imanqulova.
Qazir Natalıa úıge shyǵýǵa daıyndalyp jatyr. Qyzyna Darıa degen esim berdi. Bul - Natalıanyń otbasyndaǵy tórtinshi bala.
«38 jastamyn, úlken qyzym 11-de, ulym 9 jasta, sodan keıin 2,7 jasar taǵy bir ulym bar, mine, Darıa degen qyzym dúnıege keldi. Darıa - syılyq degen sózden shyqqan. Qudaı bizge tórt bala syılady. Meniń úlken qyzym da iri salmaqpen dúnıege keldi – 4,1 keli. Dasha da solaı. Qyzymdy dúnıege ákelýge kómektesken dárigerlerge rahmet», – deıdi almatylyq kópbalaly ana.
Dárigerlerdiń aıtýynsha, ishtegi náresteniń úlken bolýy qazir sırek kezdesetin jaǵdaı emes.
№4 perzenthanada jyl basynan beri salmaǵy 4 keliden asatyn 621 sábı dúnıege kelgen.
Al salmaǵy 5 keliden asatyn 10 bala týdy.
«Іshte iri náresteniń damý sebepteri: júkti áıelde qant dıabetiniń bolýy, gemolıtıkalyq aýrý - bul aýrý bala men onyń anasy arasynda rezýs qaıshylyǵy oryn alǵanda bolady. Sonymen qatar, tuqym qýalaýshylyq ta bar»,- deıdi dáriger.