Almatyda «Sálem, mektep!» qaıyrymdylyq aktsııasy bolyp ótti

Saltanatty merekege 100-den asa 7-den 15 jasqa deıingi balalar qatysty. Barlyq balaǵa mektep sómkesi men «Merı Keı» kompanııasy atynan mektepke qajetti qural-jabdyqtar tabystaldy. Uıymdastyrýshylar syılyqtarmen qatar, arnaıy daıyndaǵan kontserttik baǵdarlamany balalar nazaryna usyndy. Onda balalar men jasóspirimderge arnalǵan «Orlenok», «Atamura» jáne «Jetisý» demalys ortalyqtarynyń ónerli balalary óz sheberlerin kórsetti.

«Biz búgin aýa-raıynyń qolaısyzdyǵyna qaramastan merekemizdiń ótkenine qýanyshtymyz. Bizdiń uıym 10 jyldan beri balalarmen jumys istep keledi, sondyqtan, kishkentaı mektep oqýshylaryna kómektiń qanshalyqty kerek ekenin jaqsy bilemiz. Bul oraıda, aktsııaǵa qoldaý bildirgen barlyq uıymdarǵa alǵysymyzdy bildiremiz. Balalar jańa oqý jylynda tek jaqsy baǵaǵa oqıdy degen úmittemiz»,-dedi «Detstvo bez granıts» qoǵamdyq uıymynyń prezıdenti Rena Balykova.

Atalmysh shara «Detstvo bez granıts» qoǵamdyq uıymynyń uıymdastyrýymen jáne Almaty qalasynyń Áýezov aýdany ákimdiginiń, «Merı Keı (Qazaqstan)» kompanııasynyń, sonymen qatar, «Qamqor XXI» jáne «Bota» qoǵamdyq uıymdarynyń qoldaý kórsetýimen ótkizildi.