Almatyda «Sálem kóktem» dep atalatyn qaıyrymdylyq merekesi ótedi
ALMATY. 23 naýryz. QazAqparat - Almatyda erteń, 24 naýryzda múgedek balalar úshin «Sálem kóktem» dep atalatyn qaıyrymdylyq merekesi bolady.
Ony «Merı Keı Qazaqstan» kompanııasynyń qyzmetkerleri men Halyqaralyq áleýmettik jobalar qaýymdastyǵy birlesip uıymdastyryp otyr. Bul sharaǵa «DOM» qoǵamdyq qory, «Shekarasyz balalyq» qory, «Atamura» balalardyń bos ýaqytyn ótkizý ortalyǵy, «Funky Town» shyǵarmashyl jastardy qoldaý ortalyǵy, «Ametist» toby men «Býrda Alataý Press» baspa úıi qoldaý kórsetýde. Onda «Ametist» toby, balalar orkestri men birneshe bı ujymdary kontsert qoıyp, balalarǵa merekelik dastarhan jaıylmaq.
