Almatyda «Salaýatty ómir salty - QazUAÝ stýdentteriniń artyqshylyǵy» atty sporttyq saıys ótýde
ALMATY. Qazannyń 28-i. QazAqparat / Ádilet Musahaev / - Búgin QazUAÝ-diń jańa sport kesheninde birinshi kýrs stýdentteri arasyndaǵy «Salaýatty ómir salty - QazUAÝ stýdentteriniń artyqshylyǵy» atty sporttyq saıystyń birinshi kezeńi ótti,
dep habarlaıdy QazAqparat.
Jarys barysynda jigitter - 1000, qyzdar 500 metrge júgirip, qol kúrestirýden jáne fýtbol oıyndarynan synǵa tústi.
QazUAÝ - elimizdiń túkpir-túkpirinen kelgen stýdentter bilim alyp jatqan agrarlyq saladaǵy joǵary oqý orny. Munda ishteı jáne syrttaı bólimderde 37 mamandyq boıynsha bakalavrıat, sondaı-aq 38 magıstratýra mamandyǵyna memlekettik lıtsenzııasy bar.
Elimizdiń agroónerkásip keshenine mamandar daıarlaıtyn ýnıversıtet qurylymynda jeti fakýltet; Almaty agrarlyq kolledji, tórt ǵylymı-zertteý ınstıtýty, eki ǵylymı ortalyq jáne «Agroýnıversıtet» oqý-tájirıbe sharýashylyǵy bar.
