Almatyda salaaralyq yntymaqtastyq týraly dóńgelek ústel jıyny ótip jatyr
ALMATY. Shildeniń 27-si. QazAqparat /Erlik Erjanuly/ - Búgin Almatyda "Ornyqty damý úshin salaaralyq yntymaqtastyq" degen taqyrypta dóńgelek ústel jıyny ótip jatyr, dep habarlaıdy QazAqparat.
"Bul shara "Qazaqstanda tabıǵatty qorǵaý baǵdarlamasyn jasaý men júzege asyrýǵa qoǵamdyq qatysýdyń áleýetin potentsıalyn ósirý" dep atalatyn joba aıasynda ótip jatyr. Ony Eýropalyq Odaq qarjylandyrýda. Dóńgelek ústel memlekettik organdar, úkimettik emes uıymdar men ǵylymı orta arasyndaǵy ornyqty damýdyń salaaralyq tıimdi yntymaqtastyǵyna arnalǵan", deıdi EcoIDEA qoǵamdyq qorynyń Atqarýshy dırektory Saltanat Baımurzanova. Onyń aıtýynsha, májilis kezinde birlesken árekettiń jospary ázirlenedi. Sondaı-aq arnaıy uıǵarym qabyldanady dep josparlanyp otyr. Jalpy "Qazaqstanda tabıǵatty qorǵaý baǵdarlamasyn jasaý men júzege asyrýǵa qoǵamdyq qatysýdyń áleýetin ósirý" jobasyn júzege asyrý 2008 jyly bastalǵan bolatyn. Qazir Almaty, Astana qalalary men Aqtóbe oblysynda Blagodarnyı aýyldyq okrýginde iske asyrylýda.
