Almatyda salmonellez aýrýyna shaldyǵý 20 paıyzǵa (17 jaǵdaıǵa) tómendegen
ALMATY. 3 qazan. QazAqparat /Názıra Eleýhan/ - Ótken aptada Almaty qalasynda ınfektsııalyq jáne jáne parazıttik aýrýlar boıynsha epıdemıologııalyq jaǵdaı turaqty boldy, dep habarlaıdy Almaty qalalyq Sanıtarlyq-epıdemıologııalyq qadaǵalaý departamentiniń baspasóz qyzmeti.
Esterińizge sala ketsek, ótken aptada 55 jaǵdaı tirkelgen bolatyn. Salmonellez aýrýyna shaldyǵý 20 paıyzǵa (17 jaǵdaıǵa) tómendegen. Al jabaıy saýda oryndarynan satyp alynǵan azyq-túlikterden ýlaný 9 paıyzǵa (6 jaǵdaıǵa) azaıǵan. Qoǵamdyq tamaqtaný oryndaryna baılanysty ishek ınfektsııasymen jappaı aýrý jaǵdaıy tirkelmegen.
Bunymen qatar, Almaty qalalyq Sanıtarlyq- epıdemıologııalyq qadaǵalaý departamenti saýda oryndaryna reıd júrgizgen. Sonyń barysynda ótken aptada zańsyz jumys istegen 11 dúńgirshek anyqtalǵan. Reıd barysynda sonymen qatar 23 jabaıy saýda oryndary men 72 jaıma bazar núkteleriniń kózi joıylyp, taratylǵan. Reıd jumystary sondaı-aq qala bazarlarynyń aınalasynda da júrgizilgen.
